Memleket basshysy Allashúkir Pashazadeni qabyldady
ASTANA. KAZINFORM – Memleket basshysy Kavkaz musylmandary basqarmasynyń tóraǵasy Sheıh-ýl-ıslam Allashúkir Pashazadeni qabyldady. Bul týraly Aqordanyń baspasóz qyzmeti habarlady.
Álemdik jáne dástúrli dinder kóshbasshylarynyń VIII sezi alańynda Qasym-Jomart Toqaev Kavkaz musylmandary basqarmasynyń tóraǵasy Sheıh-ýl-ıslam Allashúkir Pashazademen kezdesti.
Prezıdent dinaralyq dıalogty ilgeriletý, memleketter arasyndaǵy senimdi nyǵaıtý máselelerinde Qazaqstan men Ázerbaıjannyń ustanymdary ortaq ekenine toqtaldy.
Memleket basshysy dinaralyq túsinistikke septigin tıgizetin ózara yqpaldastyq eki eldiń uzaqmerzimdi seriktestigin bekite túsetinine senim bildirdi.
Buǵan deıin Memleket basshysy dinder sezine qatysyp jatqan Qytaı delegatsııasymen kezdesti.
Álemdik jáne dástúrli dinder kóshbasshylarynyń sezinde Qasym-Jomart Toqaev forýmnyń bir top qatysýshylaryna memlekettik nagradalardy, Dinaralyq dıalogqa qosqan úlesi úshin Astana halyqaralyq syılyǵyn, Sezdiń qurmet medalin, sondaı-aq Іzgi nıet elshileriniń aıryqsha belgisin tabystady.