Memleket basshysy Álıhan Baımenovti qabyldady
ASTANA. KAZINFORM – Áńgimelesý barysynda álemdegi memlekettik basqarýdyń damý úrdisteri men doktrınalary talqylandy. Bul týraly Aqordanyń baspasóz qyzmeti habarlady.
Astana memlekettik qyzmet habynyń jetekshisi memlekettik basqarý salasynyń tıimdiligin arttyrý, sybaılas jemqorlyqtyń aldyn alý jáne jergilikti atqarýshy bıliktiń quzyretterin keńeıtý máseleleri jóninde oı-pikirin jetkizdi.
Sonymen qatar Álıhan Baımenov V Dúnıejúzilik kóshpendiler oıyndary qazaqtyń ulttyq sporty – toǵyzqumalaqtyń tanymaldylyǵyn arttyrýǵa erekshe yqpal etkenin aıtty.
Prezıdent Astana memlekettik qyzmet haby elimizde júrgizilip jatqan reformalarǵa turaqty saraptamalyq qoldaý kórsetip kele jatqanyn atap ótip, aıtylǵan usynystar boıynsha tıisti memlekettik organdarmen tyǵyz jumys isteýdi tapsyrdy.