Memleket basshysy Aleksandar Lýkashenkomen sóılesti

ASTANA. KAZINFORM – Qasym-Jomart Toqaev Belarýs Respýblıkasynyń prezıdentimen telefon arqyly sóılesti. Bul týraly Aqordanyń baspasóz qyzmeti habarlady. 

Memleketter basshylary qazaq-belarýs qarym-qatynasynyń qazirgi jaı-kúıi men damý perspektıvasyn talqylady. Sondaı-aq saıası dıalog joǵary deńgeıde jáne saýda-ekonomıkalyq, gýmanıtarlyq salalardaǵy yntymaqtastyq dáıekti túrde damyp kele jatqanyn atap ótti. 

Taraptar halyqaralyq kún tártibiniń ózekti máseleleri jóninde pikir almasty. 

Qazaqstan Prezıdenti Mınskide ótip jatqan Eýrazııalyq qaýipsizdik jónindegi konferentsııanyń mańyzyna toqtaldy.  

Memleketter basshylary aldaǵy birlesken is-sharalar aıasyndaǵy tyǵyz yqpaldastyqty jalǵastyrýǵa ýaǵdalasty.