Memleket basshysy: Aldymyzda bıznes betpe-bet keletin ákimshilik kedergilerdi azaıtý mindeti tur

ASTANA. KAZINFORM — Qasym-Jomart Toqaev «Altyn sapa» jáne «Paryz» syılyǵynyń laýreattaryn, «Qazaqstannyń úzdik taýary» respýblıkalyq kórme-konkýrsynyń jeńimpazdaryn marapattaý rásiminde ekonomıkany sapaly damytý úshin reformalardy jalǵastyrý kerektigin aıtty.

— Eń aldymen, ekonomıkanyń tıimdiligi men áleýetin arttyrý — basty maqsat. Kvazımemlekettik sektor sýbektilerin qurýǵa moratorıı jarııalandy. Básekelestik ortaǵa beriletin 473 nysannyń tizimi jasaldy. Sarapshylardyń esebi boıynsha, bul kásipkerlerge shamamen 3,5 trıllıon teńge paıda tabýǵa múmkindik beredi. Aldymyzda bıznes betpe-bet keletin ákimshilik kedergilerdi azaıtý mindeti tur. Buǵan deıin zańnamany túgel tekserip, ony jetildirý jóninde tapsyrma bergen bolatynmyn. Ol úshin Strategııalyq josparlaý jáne reformalar agenttiginiń janynan Intellekt arqyly retteý ortalyǵy qurylady, Mindetti talaptar tizimi engiziledi. Sondyqtan Úkimet pen bıznes-qoǵamdyqtyń úılesimdi áreket etýin, ásirese, tsıfrlyq yqpaldastyqty kúsheıtý kerek. Kásipkerler bıýrokratııanyń azaıǵanyn sezinýge tıis, ıaǵnı bul ótkenniń enshisinde qalýy kerek. Úkimet pen qadaǵalaýshy organdarǵa osyndaı mindet júkteımin. Baǵanyń erkin naryq talaptaryna saı qalyptasýy, memleket ıeliginen jappaı shyǵarý jáne ıkemdi retteý saıasaty — ekonomıkanyń tabysty transformatsııasynyń kepili, — dedi ol.

Aıta keteıik, búgin Memleket basshysy «Meıirim» ordenin taǵaıyndady.

Úkimettiń aldynda sapaly ekonomıkalyq ósimdi qamtamasyz etý mindeti turǵanyn aıtty.