Memleket basshysy Albanııa Respýblıkasynyń Prezıdentine quttyqtaý jedelhatyn joldady

Qasym-Jomart Toqaev Baıram Begaıdy Albanııa Respýblıkasynyń Táýelsizdik kúnimen quttyqtady, dep habarlaıdy Kazinform Aqordanyń baspasóz qyzmetine silteme jasap.

– Búginde Albanııa turaqty damý, halyqtyń ál-aýqatyn jaqsartý jáne halyqaralyq qaýymdastyqtaǵy bedelin arttyrý jolynda eleýli jetistikterge qol jetkizip keledi. Osy rette memleketińizdiń odan ári qaryshtap damýyna, elińizdiń mereıi árqashan ústem bolýyna tilektespin, – dep jazylǵan jedelhatta.

Memleket basshysy Qasym-Jomart Toqaev Prezıdent Baıram Begaıdyń asa jaýapty qyzmetine tolaǵaı tabys, al dostas Albanııa halqyna qut-bereke tiledi.