Memleket basshysy Aqtóbe oblysynyń áleýmettik-ekonomıkalyq damý barysymen tanysty
AQTÓBE. KAZINFORM - Prezıdentke Aqtóbe oblysynyń ákimi Ashat Shaharov óńirdiń áleýmettik-ekonomıkalyq damýy týraly baıandady.
Oblys basshysynyń aıtýynsha, bıylǵy 11 aıda aımaq ekonomıkasynyń ósimi 6 paıyzdy quraǵan. Al ónerkásip óndirisi 4 paıyzǵa artyp, osy jyldyń alty aıynda shetelden tartylǵan tikeleı ınvestıtsııa kólemi 175 mıllıon dollarǵa jetken.
Prezıdentke Aqtóbe qalasynyń áýejaıyn mýltımodaldy hab retinde damytý úshin munda arnaıy ekonomıkalyq aımaq qurylatyny jóninde málimet berildi. Bul jobaǵa 1,2 trıllıon teńgeden astam ınvestıtsııa tartyp, 5 myń jumys ornyn ashý josparlanǵan.
Oblys ákimi Memleket basshysyna óńirde júzege asyrylyp jatqan jáne 2025-2027 jyldarǵa josparlanǵan ınvestıtsııalyq jobalar týraly da aıtty.
Sonymen qatar Qasym-Jomart Toqaevqa Aqtóbe qalasynda salynatyn jańa qurylys nysandarynyń maketi tanystyryldy. Prezıdent tapsyrmasyna saı, shaharda 700 oryndyq drama teatry jáne 35 myń kórermenge arnalǵan kópfýnktsıonaldy stadıon boı kótermek.
Osyǵan deıin Prezıdenttiń Aqtóbe qalasyndaǵy bolat qubyrlaryn shyǵaratyn zaýyttyń jumysymen tanysqanyn jazdyq.
