AQSh Prezıdenti arnaıy ókili arqyly Qasym-Jomart Toqaevqa óziniń quttyqtaýyn joldady
ASTANA. KAZINFORM - Memleket basshysy AQSh Prezıdentiniń Ońtústik jáne Ortalyq Azııa boıynsha arnaıy ókili Serdjıo Gordy qabyldady, dep habarlaıdy Aqordanyń baspasóz qyzmeti.
BRIKS sammıti aıasynda Qasym-Jomart Toqaev AQSh Prezıdentiniń Ońtústik jáne Ortalyq Azııa boıynsha arnaıy ókili Serdjıo Gormen kezdesti.
Serdjıo Gor eń áýeli Qasym-Jomart Toqaevqa Qazaqstan Táýelsizdiginiń 35 jyldyǵy qarsańynda Prezıdent Donald Tramp joldaǵan quttyqtaý hatty tabystady.
Memleket basshysy jyly lebizi úshin AQSh Prezıdentine alǵys aıtyp, Amerıka kóshbasshysyn Qazaqstanǵa saparmen kelýge shaqyratynyn rastady.
Qasym-Jomart Toqaev qazaq-amerıka strategııalyq seriktestigi qarqyndy túrde damyp kele jatqanyn atap ótip, yqpaldastyq aıasyn odan ári nyǵaıtýdyń mańyzyna toqtaldy.
– Qazirgi ýaqytta Maıamıde ótetin G20 sammıtine qatysýǵa daıyndalyp júrmin. Bul ekijaqty kún tártibindegi máselelerdi talqylaýǵa jaqsy múmkindik dep oılaımyn. Ózara tıimdi yqpaldastyqty ilgeriletý jolynda sózden góri naqty iske kóshkendi jón kóremiz, – dedi Qazaqstan Prezıdenti.
Aıta keteıik Memleket basshysy BRIKS XVIII sammıtine qatysý úshin Nıý-Delı qalasyna bardy.
