Memleket basshysy Donald Trampqa hat joldady

ASTANA. KAZINFORM — Qasym-Jomart Toqaev 6 qarasha kúni Vashıngtonda ótetin Ortalyq Azııa – AQSh formatyndaǵy sammıtke qatysýǵa shaqyrǵany úshin Prezıdent Donald Trampqa shynaıy rızashylyǵyn bildirip, hat joldady. Bul týraly Aqordanyń baspasóz qyzmeti habarlady. 

Memleket basshysy atalǵan bastama der kezinde kóterilip otyr dep sanaıdy.

Qasym-Jomart Toqaev Donald Tramptyń ishki jáne syrtqy saıasattaǵy negizgi maqsattaryn, atap aıtqanda, aqyl-parasatqa negizdelgen dástúrli qundylyqtarǵa beriktigin, sondaı-aq beıbitshilik pen qaýipsizdikti qorǵaýǵa umtylysyn qoldaıdy.

Eske sala keteıik, buǵan deıin Memleket basshysy Aýstrııa prezıdentine quttyqtaý jedelhatyn joldaǵan bolatyn.