Memleket basshysy Aqmola oblysyndaǵy egin jınaý naýqanymen tanysty
ASTANA. KAZINFORM — Prezıdentke bıyl óńirdegi egis alqabynyń kólemi 300 myń gektarǵa ulǵaıyp, 5,5 mıllıon gektarǵa jetkeni baıandaldy, dep habarlaıdy Aqordanyń baspasóz qyzmeti.
Boljam boıynsha aımaqtaǵy agroqurylymdar 7 mıllıon tonnadan astam dándi, 650 myń tonnadan asa maıly daqyl jınamaq.
Búginge deıin 3,6 mıllıon tonna astyq bastyryldy. Orta eseppen 1 gektar alqaptan 15,4 tsentner ónim alynǵan. Jınalǵan ónimniń sapasy joǵary.
Memleket basshysynyń tapsyrmasyna sáıkes, óńirde mol ónim beretin maıly daqyldar alqabyn ulǵaıtý jumystary jalǵasyp jatyr.
2023 jylmen salystyrǵanda mundaı egistik alańynyń kólemi 2,5 ese artyp, 495 myń gektarǵa jetken.
Osyndaı kópbeıindi sharýashylyqtardyń biri – «Zerendi saqtaý ónimderi» JShS. Kásiporyn dırektory Erbol Jaýarovtyń aıtýynsha, sharýashylyq dándi jáne burshaqty daqyldardy ósirýmen, sıyr, jylqy tuqymdaryn asyldandyrýmen aınalysady.
Budan bólek, seriktestiktiń qýattylyǵy 2,5 myń tonna bolatyn maı zaýyty, qus fabrıkasy men dıirmeni bar.
Budan buryn Memleket basshysy Aqmola oblysyna jumys saparymen barǵanyn jazǵan edik.