Memleket basshysy Air Astana kompanııasynyń bas atqarýshy dırektoryn qabyldady
ASTANA. KAZINFORM — Memleket basshysy Air Astana kompanııasynyń bas atqarýshy dırektory Pıter Fosterdi qabyldady. Bul týraly Aqordanyń baspasóz qyzmeti habarlady.
Kezdesýde avıatsııa salasyn damytý máseleleri talqylandy. Qasym-Jomart Toqaev Air Astana kompanııasynyń Eýrazııadaǵy jetekshi avıatasymaldaýshylardyń birine aınalýǵa Pıter Fosterdiń eleýli úles qosqanyn atap ótti.
Prezıdent oǵan Qazaqstan Respýblıkasynyń azamattyq avıatsııa salasyndaǵy kópjyldyq jemisti eńbegi úshin alǵys aıtty.
— Memleket basshysy jolaýshylar jáne júk tasymaly salasyndaǵy birqatar mańyzdy mindetterdi tabysty sheshý úshin brıtanııalyq menedjermen yntymaqtastyq aldaǵy ýaqytta da jalǵasyn tabatynyna senim bildirdi. Áńgimelesý barysynda Qazaqstan men AQSh arasynda tikeleı áýe qatynasyn ashý, sondaı-aq atalǵan reısterdi oryndaý úshin alys qashyqtyqqa ushatyn áýe kemelerin satyp alý máselelerine den qoıyldy. Prezıdent otandyq avıatsııanyń básekege qabilettiligin odan ary arttyrý qajet ekenin aıtty, — delingen Aqorda taratqan aqparatta.
Aıta keteıik, búgin Prezıdent Grýzııanyń Іshki ister mınıstri Gela Geladzeni qabyldaǵan edi.