Memleket basshysy «Adam saýdasyna qarsy is-qımyl týraly» zańdy maquldady
ASTANA. KAZINFORM – Memleket basshysy «Adam saýdasyna qarsy is-qımyl týraly» Qazaqstan Respýblıkasynyń Zańyna qol qoıdy
«Prezıdenttiń 2023 jylǵy 29 naýryzda Parlament sessııasynyń ashylýynda sóılegen sózinde adam saýdasynyń qurbany bolǵan azamattardy qorǵaý úshin arnaıy zańdy ázirleý jóninde tapsyrma bergen bolatyn.
Alǵash ret qabyldanyp otyrǵan bul Zań adam saýdasyna qarsy is-qımyldyń uıymdastyrýshylyq-quqyqtyq negizderin jan-jaqty aıqyndaıdy», — delingen Aqordanyń resmı saıtyna jarııalanǵan mátinde.
Zańda onyń maqsattary men mindetteri, adam saýdasyna qarsy is-qımyl qaǵıdattary bekitilgen, sondaı-aq memlekettik organdardyń, jergilikti atqarýshy organdardyń jáne adam saýdasyna qarsy is-qımyl jónindegi ózge de sýbektilerdiń quzyreti bekitilgen.
Zańnyń mátini baspasózde jarııalanady.
