Memleket basshysy 2027-2029 jyldarǵa arnalǵan bıýdjettiń negizgi basymdyqtaryn aıqyndady
ASTANA. KAZINFORM – Aqordada Memleket basshysy Qasym-Jomart Toqaevtyń tóraǵalyǵymen ulttyq ekonomıkany damytý jáne bıýdjetti josparlaý máseleleri jóninde keńes ótti, dep habarlaıdy Aqordanyń baspasóz qyzmeti.
Іs-sharaǵa Premer-mınıstr Oljas Bektenov, Prezıdent Ákimshiliginiń basshysy Roman Sklıar, Ulttyq bank tóraǵasy Tımýr Súleımenov, Joǵary aýdıtorlyq palata tóraǵasy Álıhan Smaıylov, Premer-mınıstrdiń orynbasary – Ulttyq ekonomıka mınıstri Serik Jumanǵarın, Prezıdenttiń ekonomıkalyq máseleler jónindegi kómekshisi Nurlan Baıbazarov jáne Qarjy mınıstri Mádı Tákıev qatysty.
Prezıdentke ekonomıkanyń qazirgi ahýaly týraly baıandalyp, 2027-2029 jyldarǵa arnalǵan áleýmettik-ekonomıkalyq damý boljamdary, 2027-2029 jylǵy respýblıkalyq bıýdjet parametrleri jóninde málimet berildi.
Talqylaý barysynda Qasym-Jomart Toqaev bıyl ekonomıkalyq ósim kórsetkishterine qol jetkizý, sondaı-aq respýblıkalyq jáne jergilikti bıýdjet teńgerimdiligin qamtamasyz etý qajettigin atap ótti.
Memleket basshysy 2027-2029 jyldarǵa arnalǵan bıýdjettiń negizgi basymdyqtarynyń biri – aýrýhana, balalardy ońaltý ortalyǵy, mádenıet, sport ǵımarattary sekildi ınfraqurylymdyq jáne áleýmettik nysandar qurylysyn jedeldetip salý kerek ekenin aıtty.
Aıta keteıik, osyǵan deıin Memleket basshysy 2026 jylǵy qańtar-shilde aılaryndaǵy aqsha-kredıt saıasatyn júzege asyrý qorytyndysy týraly esepti tyńdady.
