Memleket baspana men avtokólik aqysyn bólip tóleý naryǵyn óz baqylaýyna almaqshy

ASTANA. KAZINFORM — Ulttyq bank tóraǵasy Tımýr Súleımenov Májilistiń jalpy otyrysynda bólip tóleý naryǵyn retteý tásilderi ázirlenip jatqanyn aıtty. 

— Úkimetpen jáne Qarjy naryǵyn retteý jáne damytý agenttigimen birge bólip tóleýlerdi jáne BNPL-servıster naryǵyn retteý tásilderi ázirlenip jatyr. Ózderińiz biletindeı, bankterde bólip tóleý quraldary rettelgen. Al bankten tys bólip tóleý júıeleri, mysaly, qurylys kompanııalary men avtodıllerlerdiń ónimderin bólip tóleý rettelmegen. Tutynýshylardyń quqyǵyn qorǵaý úshin atalǵan qarjylyq qyzmetterdi retteý sharalary engiziledi, — dedi Tımýr Súleımenov.

Aıta keteıik, búgin Májilistiń jalpy otyrysynda 2026-2028 jyldarǵa arnalǵan respýblıkalyq bıýdjet jobasyn qabyldandy.