Memleket azamattardyń jeke menshigine qol suǵylmaýyna tolyq kepildik berýi kerek - Elbasy
ASTANA. Qarashanyń 13-i. QazAqparat /Marlan Jıembaı/ - Memleket azamattardyń jeke menshigine qol suǵylmaýyna tolyq kepildik berýi kerek.
Búgin tikeleı jelide qazaqstandyqtardyń saýaldaryna jaýap berýi barysynda Elbasy osylaı aıtty, dep habarlaıdy QazAqparat.
Tikeleı jeli barysynda Qazaqstan azamattarynyń biri turyp jatqan qalasynda garaj salý úshin jer komıtetinen kelisim alǵandyǵyn, oǵan ákimdik qarsy bolmaǵandyǵyn aıta kelip, garaj salynyp bitkennen keıin keıbir sheneýnikter ony tartyp almaq bolǵandyǵyn baıandapty. Jalpy, osy jaıtqa qatysty Elbasyna birneshe hat kelip túsken.
Osy máselege oraı jaýap bergen Memleket basshysy: «Biz memlekettik emes naryqtyq ekonomıkany quryp otyrmyz. Sondyqtan bul keleńsiz jaıtty zańnama tártibimen jeńýimiz qajet. Reıderlikke qatysýshylardyń biri árqashan da memlekettik sheneýnik bolyp otyr. Áıtpese, ol iske aspaıdy. ıAǵnı, bul jerde anyq jemqorlyqqa boı aldyrý oryn alǵan. Sondyqtan qazir sizderdiń taraptaryńyzdan jelide Bas prokýror bolýy kerek, men oǵan qosylýyn ótinemin», dedi.
Jelige qosylǵan Qaırat Mámıge Elbasy Bas prokýratýra organdary bul máselege qandaı sharalar qoldana alatyndyǵyna jaýap berýin surady.
Bas prokýrordyń aıtýynsha, bul ótinishterge baılanysty máselelerge qysqa ýaqyttyń ishinde tekserý jumystary júrgizilip, aıtylǵan jaıt anyqtalsa, ótinish berýshiniń quqyqtaryn qalpyna keltirý úshin barlyq sharalar qabyldanatyn bolady.
«Osy másele oraı barlyq hattardy meniń tapsyrmam boıynsha Bas prokýratýraǵa berýlerińizdi ótinemin. Al Sizge osy aıtylǵan keleńsizdikterdi tııanaqty anyqtaýdy tapsyramyn. Birde-bir ótinish jaýapsyz qalmasyn. BAQ quraldary, telearnalar arqyly árqaısysyna jaýap berińder. Bul bassyzdyqty toqtatý kerek. Eger zańnamany ózgertý qajet bolsa, sáıkes ózgertýlerdi engizeıik», dedi
