Memleket AITV/JITS-ke shaldyqqan bir naýqastyń emine jylyna 300 myń teńge jumsaıdy

Bul týraly AITV/JITS suraqtary boıynsha elorda turǵyndarymen «Tikeleı tildesý» ótkizgen qalalyq «JITS-tiń aldyn alý jáne oǵan qarsy kúres ortalyǵy» emdeý-aldyn alý bóliminiń meńgerýshisi Gúlnár Nurǵojına málim etti. Ortalyq mamanynyń halyqpen tildesýi «Vechernıaıa Astana» gazetiniń redaktsııasynda ótti.

JITS-tiń aldyn alý jáne oǵan qarsy kúres ortalyǵynyń baspasóz qyzmetinen málim etkendeı, 2013 jyldyń 1 sáýirindegi jaǵdaı boıynsha Astana qalasynda AITV ınfektsııasyna shaldyǵýdyń 613 jaǵdaıy tirkeldi. Kórsetkish 100 myń adamǵa shaqqanda 80,6-ny quraıdy, bul respýblıkalyq - 116,4 deńgeıinen aıtarlyqtaı tómen. Biraq Ortalyq mamandarynyń aıtýynsha, bul toqmeıilsýge negiz bermeıdi.

«Tikeleı tildesý» barysynda qoıylǵan suraqtar túrli mazmunda boldy. Mysalǵa, qalanyń Ásel esimdi turǵynyn «AITV dıagnozy qoıylǵan qurbysy dúnıege deni saý bala ákele alady ma?» degen suraq mazalaıdy. Árıne, AITV dárejesi bar áıeldiń 95-98 paıyz jaǵdaıda deni saý balany týý múmkindigi bar. Ol úshin áıel júktiliginiń 14 aptalyǵynan bastap vırýsqa qarsy terapııany qabyldap, dárigerdiń aıtqandaryn buljytpaı oryndaýy tıis. Aıta keteıik, Astanada JITS-pen aýyratyn 47 áıel ana atandy jáne olardyń tek ekeýiniń sábıinde ǵana AITV vırýsy anyqtaldy.

«Teledıdardan jekelegen elderde daǵdarysqa baılanysty AITV/JITS-ten emdelý naýqastardyń esebinen júrgiziletini, al ózgelerinde bul maqsattarǵa qarjylar múldem qarastyrylmaǵany kórsetiledi. Naýqastar halyqaralyq qorlardyń esebinen ómir súrýge májbúr. Qazaqstan mundaı ońtaılandyrý sharalaryn qolǵa alýdy josparlap otyrǵan joq pa?», - dep joldady suraǵyn Sergeı esimdi azamat.

«AITV ınfektsııasyn juqtyrǵandardyń emi arzanǵa soqpaıdy. Antıretrovırýstyq terapııamen qamtamasyz etýdiń ózine memleket bir naýqasqa jylyna 300 myń teńgege jýyq qarjy jumsaıdy. Al naýqastarǵa bul dárilik preparattardy kúnbe-kún, jyldan-jylǵa qabyldaý qajet. Bizdiń memleket AITV dárejesi bar adam ınfektsııany ózge tulǵalarǵa juqtyrýdyń turaqty oshaǵy bolyp tabylatynyn jiti túsinedi, sondyqtan bul shyǵyndardy óz moınyna alyp keledi», - deıdi G.Nurǵojına.

Ortalyq mamany kelesi suraqtardyń birine jaýap bere kele, qala boıynsha AITV-ǵa shaldyqqan 613 adamnyń 102-si sottalǵandar bolyp tabylatynyn atap ótti. Búginde Ortalyqtyń esebinde AITV-men ómir súretin 62 sottalýshy tur. Qalǵandary jazalaý merzimderiniń aıaqtalýyna baılanysty bosatylǵan, nemese ózge mekemelerge aýystyryldy. Astana qalalyq JITS ortalyǵynyń qyzmetkerleri syrqat sottalýshylardy tekserý úshin bas bostandyǵynan aıyrý mekemelerine turaqty túrde baryp turady.

«Eger buryn «JITS» dıagnozy úkim retinde qabyldanyp kelse, qazir antıretrovırýstyq terapııany qabyldaýdyń, esirtkiler men ishimdikten bas tartýdyń, ıaǵnı salaýatty ómir saltyn ustanýdyń arqasynda bul dıagnozben ómir súrý respýblıka boıynsha 10 jylǵa uzardy. Qýanyshqa oraı, osy ýaqytqa deıin AITV dıagnozy qoıylǵandardyń arasynda óz-ózine qol jumsaý oqıǵalary bolǵan joq», - delingen taratylǵan baspasóz málimetinde.

Al Antonına esimdi azamatshany vokzal mańynda kóp shoǵyrlanǵan jynystyq qatynas qyzmetterin kórsetetin tulǵalar tolǵandyrǵan. Ortalyqta bul qyzmet túrin usynatyndardyń naqty sany joq, boljam boıynsha, olar qala boıynsha 750-ge jýyq adamdy quraıdy. Jáne árıne, olardyń arasynda AITV ınfektsııasymen ómir súretinder de bar. Biraq óziniń dárejesi týraly biletinderdiń barlyǵy ózge adamdardy juqtyrǵany úshin qylmystyq jaýapkershilikke tartylatyndyǵy týraly qujatqa qol qoıady. QR QK-niń 116-baby 6 jylǵa deıin bas bostandyqtan aıyrýdy kózdeıdi.