Memleket agrarlyq sektormen qatar aýylǵa da basymdyq berý kerek - Ǵ.Qasymov
ASTANA. 31 naýryz. QazAqparat /Marlan Jıembaı/ - Memleket agrarlyq sektormen qatar aýylǵa da basymdyq berý kerek. Bul pikirdi búgin elordada ótken on-laın konferentsııa barysynda QR prezıdenttigine kandıdat Ǵanı Qasymov bildirdi.
«Bizde halyqtyń 44 paıyzy aýyldy jerde turady. Sondyqtan, meniń oıymsha, agrarlyq sektorǵa jáne tek qana sektorǵa ǵana emes, aýylǵa da memleket basymdyq berý kerek», - dedi ol.
Onyń paıymynsha, el Úkimeti aýyl halqynyń damýymen aınalysýy qajet. Al osy oraıda bul jumystardyń negizgi kórsetkishteriniń biri - eldi mekenderde tirshilik etip jatqan azamattardyń tolyqtaı jumyspen qamtylǵany jón.
«Aýyldyq jerde egistik nemese kúzgi jıyn-terimge táýelsiz jyl boıǵy qyzmet nysany bolýy qajet», - dep túıindedi oıyn Ǵ.Qasymov.
