Memleket 4 mln qazaqstandyqqa tegin dárilerdiń balamasyn «birlesip satyp alý» múmkindigin usynbaqshy

ASTANA. KAZINFORM — Memleketten tegin dári alatyn qazaqstandyqtar retseptide jazylǵan dáriniń balamasyn alǵysy kelse, onyń aqysyn memleket ishinara ótep beredi. Densaýlyq saqtaý mınıstriniń orynbasary Tımýr Muratov Úkimet otyrysynda «birlesip tóleý» tásili 4 mln adamdy qamtıtynyn aıtty. 

— Mınıstrlik birlesip tóleý tetigin qoldaný arqyly ambýlatorııalyq dári-dármekpen qamtamasyz etýdi «ortalyqsyzdandyrýǵa» kóship jatyr.

Bul tetik erikti túrde júzege asyrylady jáne qosymsha tólem tek patsıenttiń qalaýy boıynsha qarastyrylady, — dedi ol.

Bul tásil jeke menshik dárihana jelileri arqyly da iske asyrylady.

— Joba naýqastarǵa dárilerdi óz qalaýy boıynsha tańdaýǵa múmkindik beredi. Jalpy alǵanda 4 mln adamǵa deıin qamtamasyz etýdi josparlap otyr, — dedi vıtse-mınıstr.

Aıta keteıik, búgin Úkimet halyqty dári-dármekpen qamtamasyz etý jaıyn talqylap jatyr.