Memleket 2010 jyly júıe qurýshy bankterdiń kapıtalynan qalaı shyǵatynyn aıqyndaýy tıis - Úkimet basshysy
ASTANA. Jeltoqsannyń 29-y. QazAqparat /Ernur Aqanbaı/ - Memleket 2010 jyly elimizdegi júıe qurýshy bankterdiń kapıtalynan shyǵatyn datany jáne mehanızmderdi aıqyndaýy tıis. Bul týraly búgin Astanada BAQ ókilderimen bolǵan brıfıngte Premer-Mınıstr Kárim Másimov málim etti,
dep habarlaıdy QazAqparat.
«Júıe qurýshy bankterdiń kapıtalynan memleket qalaı shyǵatyndyǵy jóninde 2010 jyly prıntsıpti sheshim qabyldaý qajet», dedi brıfıngte K. Másimov.
Onyń sózine qaraǵanda, memlekettiń elimizdegi júıe qurýshy bankterdiń kapıtalyna kirýi ýaqytsha shara boldy. «Biz bank júıesin memlekettendirýdi qalamaımyz, biz bank júıesine tek turaqtandyrý kezeńinde kirdik. 2010 jyly memleket bank júıesinen qalaı shyǵatyndyǵyna naqty jaýap berýimiz qajet», dedi ol.
