Memqyzmetshiniń telefonyna birlik salǵan turǵynǵa 330 myń teńge aıyppul salyndy
Agenttiktiń Astana qalasy boıynsha departamentiniń mamandary azamatsha A.-ǵa QR AShM Agroónerkásiptik keshendegi memlekettik ınspektsııa komıtetiniń Astana qalasy aýmaqtyk ınspektsııasynyń qyzmetkerine zańsyz materıaldyq syıaqy bergeni úshin ákimshilik hattama toltyrdy.
Ákimshilik isti júrgizý materıaldaryna sáıkes 2018 jylǵy 3 qyrkúıekte azamatsha A. sol jerdegi karantındik ónimderdiń fıtosanıtarlyq jaǵdaıyn mindetti tekserýsiz Qazaqstannan tys jerlerge karantınge jatqyzylatyn ónimderdi shyǵarý týraly fıtosanıtarlyq sertıfıkatty rásimdeý maqsatynda Aýmaqtyq ınspektsııanyń memlekettik ınspektoryna onyń uıaly telefonyna 3000 teńge balans aýdaryp, tekserý júrgizýdi qashyqtyqtan, ıaǵnı beıneqońyraý arqyly júrgizýge ótinish jasaǵan.
Atalǵan usynys memlekettik ınspektordyń uıaly telefonyna «WhatsApp» mobıldi qosymshasy arqyly kelip túsken.
Memlekettik ınspektor bolǵan oqıǵany óziniń tikeleı basshysyna dereý habarlap, túsken 3000 teńgeni arnaıy memlekettik qorǵa jibergen.
Sýdıa ákimshilik quqyq buzýshylyq týraly isti qaraý nátıjesi boıynsha azamatsha A.-ǵa Qazaqstan Respýblıkasynyń Ákimshilik quqyq buzýshylyq týraly kodeksiniń 676-babynda kózdelgen ákimshilik quqyq buzýshylyq jasaǵany úshin ákimshilik jaýapqa tartýǵa jáne ákimshilik jazany 200 AEK kóleminde ákimshilik aıyppul túrinde ákimshilik sharaǵa tartý týraly qaýly shyǵardy.
Sot otyrysynda azamatsha A. kinásin tolyq moıyndap, jasaǵan isine ókindi.
Ákimshilik quqyq buzýshylyq týraly QR Kodeksiniń 829-11-babyn basshylyqqa ala otyryp, sottalýshynyń materıaldyq jaǵdaıyn, azamatsha A.-nyń buryn ákimshilik jaýapkershilikke tartylmaǵanyn eskere otyryp aıyppul mólsheri 30%-ǵa qysqartylǵan.
Sybaılas jemqorlyq quqyq buzýshylyq faktisin habarlaǵan tulǵa qoldanystaǵy erejelerge sáıkes kótermelenýge usynyldy.
Atap ótý kerek, atalǵan jaǵdaıǵa uqsas faktiler Astanada memlekettik kiris organdarynyń qyzmetkerlerin yntalandyrý áreketi barysynda tirkelgen, nátıjesinde para berýshiler 200 AEK mólsherinde ákimshilik jaýapkershilikke tartyldy.
Eske salamyz, QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń janynda táýlik boıy 1424 call-ortalyǵy jumys isteıdi.
Eger Siz laýazymdy tulǵalar tarapynan qorqytyp alýshylyqtyń qurbany bolsańyz nemese Sizdi para alýǵa májbúrlegen jaǵdaıda árqashan kórsetilgen nómirge habarlasýǵa bolady.
Quzyretti operatorlar sybaılas jemqorlyqqa qatysty máseleler boıynsha tegin konsýltatsııalyq qoldaý kórsetedi jáne sybaılas jemqorlyq quqyq buzýshylyq týraly habarlamalardy telefon arqyly qabyldaıdy.