Memqyzmetshiniń telefonyna aqsha laqtyrǵan kásipker myń dollarǵa shyǵyndaldy

ASTANA. QazAqparat - Astanada kásipker áıeldiń zańsyz syılyǵy týraly habarlaǵan memlekettik qyzmetshi aqshalaı kótermeleýge usynyldy. Bul týraly QR Memlekettik qyzmet isteri jáne sybaılas jemqorlyqqa qarsy is-qımyl agenttiginen málim etti, dep xabarlaıdy QazAqparat.

«Bıyl qyrkúıek aıynda kásipker áıel zertxanalyq zertteýdi júrgizbeı, fıtosanıtarlyq kýálikti alý úshin Aýyl sharýashylyǵy mınıstrligi Memlekettik ınspektsııa komıtetiniń aýmaqtyq ınspektorynyń telefonyna 3 myń teńgege balans salyp bergen. Inspektor ol týraly birden agenttikke xabarlaǵan. Astana qalasynyń mamandyrylǵan aýdanaralyq ákimshilik sotynyń sheshimimen atalǵan azamatshaǵa 336 700 myń kóleminde aıyppul salyndy. Al sybaılas jemqorlyq faktisi týraly xabar bergen memqyzmetshi qoldanystaǵy erejege sáıkes aqshalaı kótermeleýge usynyldy», - deıdi agenttiktiń Memlekettik qyzmet salasyndaǵy baqylaý departamentiniń basshysy Ravıl Tıýlebaev.

Onyń aıtýynsha, bıyl zańsyz syılyqtardy usynǵany úshin 28 jeke tulǵa ákimshilik jaýapkershilikke tartyldy. Al zańsyz syılyqty alǵany úshin 5 laýazymdy tulǵa zań aldynda jaýap berdi. Olar jalpy somasy 16,1 mln teńgeniń aıyppulyn tóleýge mindetteldi.