Memqyzmetshini artyq jumsaǵan laýazymdy tulǵa 40 AEK aıyppul arqalaıdy

ASTANA. QazAqparat – Elimizde memlekettik qyzmetshilerdi negizgi mindeti men shamadan tys jumsaýdyń jaýapkershiligi burynnan bar. Bul týraly Memlekettik qyzmet isteri agenttigi tóraǵasynyń orynbasary Salaýat Múksimov aıtyp otyr, dep habarlaıdy QazAqparat tilshisi.

«Memlekettik qyzmetshini normadan tys jumsaý jaǵdaıyndaǵy jaýapkershilik jańashyldyq emes. Burynnan bar. Búginde memlekettik qyzmetshiniń artyq jumys isteýi boıynsha monıtorıng júrgizý bizdiń agenttiktiń quzyretine berilgen. Eger monıtorıng aıasynda artyq jumsaý faktisi tirkelse, ol boıynsha tekseris júredi. Onyń nátıjesinde fakti rastalsa, árıne jaýapkershilik qarastyrylǵan», - dedi Salaýat Múksimov Ortalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, kinálini birden jaýapqa tartpaı, eskertý jasalýy da múmkin. Ol jaǵy bolǵan faktige baılanysty.

«Laýazymdy tulǵa bolsa, oǵan 40 AEK (aılyq eseptik kórsetkish) kóleminde (shashamen 138 myń teńge) aıyppul qarastyrylǵan. Jalpy, sońǵy ýaqytta memlekettik qyzmetshilerdiń qalyń ortada oń ımıdjin qalyptastyrý jáne jastar arasynda tartymdylyǵyn qamtamasyz etýde qajetti sharalar qabyldanyp jatyr dep esepteımin. Atalǵan problema burynnan kele jatyr. Biz ony jańa zań jobasy aıasynda sheshýge tyrystyq», - deıdi ol.