Memqyzmetshilerdiń ádepsiz áreketteri áleýmettik jeliler arqyly baqylanady
ASTANA. QazAqparat - QR Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary Aıgúl Shaıymovanyń aıtýynsha, búginde áleýmettik jelilerde jarııalanǵan memlekettik qyzmetshilerdiń ádepsiz áreketteri únemi baqylanyp otyrady. Osy ýaqytqa deıin tártiptik jazaǵa tartylǵandar da joq emes, dep habarlaıdy QazAqparat tilshisi.
«Biz áleýmettik jelilerge únemi monıtorıng jasap otyramyz. Sol kezde san alýan korporatıvtermen otyrystarda memlekettik qyzmetshilerdiń ádepsiz áreketteri bar fotolar jan-jaqty zerdelenedi. Ol jaıynda buqaralyq aqparat quraldarynda da jazylady. Ondaıda agenttik birden tıisti sharalardy qolǵa alyp jatady», - deıdi Shaıymova. Máselen,ótken jyly etıkany saqtamaǵan 200-ge jýyq memlekettik qyzmetshi tártiptik jazaǵa tartyldy. Olardyń ishinde jumystan qýylǵandar da bar.
«Mysaly, Aqmola oblysynyń Býrabaı aýdanynda jaǵa ustatar bir jaǵdaıdyń bolǵanyn bári jaqsy biledi. Aýdandyq ákimdik deńgeıindegi laýazymdy tulǵalar mas kúıinde tóbeles shyǵarǵan. Olardyń bireýi jumystan shyǵarylsa, ekeýiniń qyzmeti tómendetildi», - dep atap kórsetti Shaımova.
