Memqyzmetshiler joǵary laýazymǵa irikteý konkýrsynyń ádil ótetinine senbeıdi - Anar Jaıylǵanova

NUR-SULTAN. QazAqparat - Ótken jylǵy statıstıkaǵa sensek, joǵary laýazymdarǵa ornalasýǵa arnalǵan ishki konkýrstarda memlekettik qyzmetshilerdiń belsendiligi tómendegen, dep habarlaıdy QazAqparat Memlekettik qyzmet isteri agenttiginiń baspasóz qyzmetine silteme jasap.

Agenttiktiń keńeıtilgen keńesinde sóz sóılegen MQІA tóraǵasy Anar Jaıylǵanovanyń aıtýynsha, atalǵan jaǵdaıdyń bir sebebi - qyzmetkerler osy baıqaýdaǵy irikteýdiń ádildigine senbeıdi.

«Jetkilikti quqyqtyq retteýge qaramastan, merıtokratııa qaǵıdattary is júzinde tolyq kólemde saqtalmaı otyr. Jergilikti jerlerdegi ahýalǵa egjeı-tegjeıli taldaý jasap, atalǵan tájirıbeni joıý boıynsha shara qabyldaýdy suraımyn. Qazaqstandyqtar merıtokratııa qaǵıdattarynyń shyn máninde jumys jasaıtynyn kórýi kerek», - dedi ol.

Osy máseleni sheshý úshin «E-kyzmet» júıesi arqyly kadrlyq taǵaıyndaýlarǵa monıtorıng júrgizý usynyldy. Bul úshin osy júıeni memlekettik organdarda yqpaldastyrýdy aıaqtaý jáne ony jetildirý qajet, bul kadrlyq taǵaıyndaýlarǵa tolyq monıtorıng júrgizýge múmkindik beredi.

ıAǵnı, júıe taǵaıyndaýdyń barlyq protsesterin «qadaǵalaýǵa» jáne zańsyz kadrlyq sheshimder qabyldaý, biliktilik talaptary, komandalyq jyljýlarmen manıpýlıatsııa júrgizýge múmkindik bermeýi tıis.

Anar Jaıylǵanova barlyq jeke quramǵa merıtokratııa qaǵıdatyn saqtaý, kadrlyq aýysýlardyń ashyqtyǵy men aıqyndyǵyn qamtamasyz etý - agenttiktiń negizgi mindetteriniń biri ekenin eske saldy.