Memqyzmetshiler kún saıyn normadan artyq jumys isteıdi
QR Memlekettik qyzmet isteri jáne sybaılas jemqorlyqqa qarsy is-qımyl agenttiginde «Memlekettik qyzmetshilerdiń quqyqtaryn qorǵaý salasyndaǵy ádep jónindegi ýákilderdiń jumysyn jetildirý» taqyrybynda ótken keńeste ol atalǵan ortalyqtyń zertteý nátıjelerin jarııa etti.
«Saýalnamaǵa qatysqandardyń 69,1 paıyzy ýákil óz jumysyn tıimdi júrgizetindigine kelisedi. Degenmen, barlyǵy birdeı oǵan júginbegendigin eskergen jón. Barlyǵy birdeı ýákildiń qyzmettik mindettemerin de bile bermeıdi. 73,6 paıyz ádep jónindegi keńestik, tártiptik keńestiń isti ádil qaraıtyndyǵyna senedi. Biraq, memlekettik qyzmetshilerdiń 35,9 paıyzy tártiptik komıssııa men ádep jónindegi keńestiń sheshimine narazylyq bildirý protsedýrasymen tanys emes», - dedi ol.
Onyń dereginshe, saýalnamaǵa qatysýshylardyń 71 paıyzy memlekettik qyzmetshilerdiń basym bóligi qyzmettik ádep erejelerin tolyq kólemde saqtaıdy dep esepteıdi. Al 81 paıyzy qyzmettesterin júris-turys ádep normasynyń jalpy qabyldanǵan erejelerin saqtaıtyndyǵyna senedi.
«Suralǵan memlekettik qyzmetshilerdiń basym bóligi jumys ornynda kún saıyn 1 saǵat 20 mınýtqa bógeledi. Mundaı jaıttardyń 78 paıyzynda jumys ýaqytynan tys saǵatqa tólem jasalmaıdy. 41 paıyzy óziniń tikeleı qyzmettik mindetine qatysy joq basshylyqtyń tapsyrmalaryn oryndaıtyndyǵyn atap ótken», - dedi Álııa Orazǵalıeva.
Aıta keteıik, «Bilim» ǵylymı-zertteý ortalyǵy júrgizgen áleýmettik saýalnamaǵa 1658 adam qatyssa, onyń 44 paıyzy ortalyq memlekettik organdardyń, al 47 paıyzy jergilikti atqarýshy organdardyń qyzmetshileri boldy.
