Memqyzmetshi úshin jaldamaly páter baǵdarlamasyn keńeıtý qajet - Dáýeshov

NUR-SULTAN. QazAqparat – Memlekettik qyzmetshiler úshin jaldamaly páter baǵdarlamasyn keńeıtý qajet. Bul týraly QR Prezıdenti janyndaǵy Adam quqyqtary jónindegi komıssııa otyrysynda Memlekettik qyzmet isteri agenttigi tóraǵasynyń orynbasary Marat Dáýeshov málim etti, dep habarlaıdy QazAqparat tilshisi.

«Memlekettik qyzmetshiler eńbeginiń ótemi qoljetimdi baspana satyp alý úshin birkelki paıyzdyq mólsherleme bolýy tıis. Memlekettik qyzmetshiler úshin jaldamaly baspana baǵdarlamasyn da keńeıtý qajet. Sonymen qatar memlekettik qyzmetshilerdiń balalaryn balabaqshaǵa ornalastyrýda shynaıy múmkindik berý qajet. Mundaı múmkindik qazirdiń ózinde áskerı qyzmetshiler men arnaýly memlekettik organ qyzmetkerlerine qarastyrylǵan», - dedi agenttik tóraǵasynyń orynbasary.

Sondaı-aq ol barlyq deńgeıdegi memlekettik qyzmetshiler tegin medıınalyq qyzmetpen qamtamasyz etilýi tıistigin basa aıtty.

«Máselen, búginde Nur-Sultandaǵy ortalyq memlekettik organdardyń qyzmetshileri Prezıdent Іs basqarmasynyń medıtsınalyq ortalyǵyna tirkelgen. Alaıda, oblys ákimderiniń apparat qyzmetkerlerin qospaǵanda oblystyq jáne aýdandyq organdardyń qyzmetkerleri mundaı medıtsınalyq mekemelerge tirkelmegen», - dedi Marat Dáýeshov.