Memqyzmetkerler ózderine berilgen syılyqtardan bas tartty
Bul týraly óńirlik komýnıkatsııalar qyzmetinde ótken brıfıngte QR Memlekettik qyzmet isteri jáne sybaılas jemqorlyqqa qarsy is-qımyl agenttigi Túrkistan oblysy boıynsha departamentiniń basshysy Ǵalym Tursynbaev aıtty, dep habarlaıdy QazAqparat tilshisi.
Ǵalym Tursynbaevtyń sózinshe, memlekettik qyzmetkerlerge negizinen kádesyılar beriletini anyqtalǵan. Eger alynǵan syılyqtyń quny 4810 teńgeden asatyn sheneýnikter ol úshin 1 mln 400 myń teńgeden astam aıyppul tóleıdi. Al, eki aılyq eseptik kórsetkishten assa, onda 15 jylǵa deıin bas bostandyǵynan aıyrylýy múmkin.
Departament basshysy sonymen qatar memlekettik qyzmetkerlerdiń jumys ýaqyty aıaqtalǵan ýaqytta jáne mereke kúnderi qyzmet ornynda bolatyndaryn anyqtaǵan.
«Tekserý barysy memlekettik qyzmetkerlerdiń demalys jáne mereke kúnderi, keshki jetiden keıin jumysta qalyp otyratyndyǵyn kórsetti. Sonyń ishinde Saıram, Otyrar, Báıdibek jáne Maqtaral aýdandaryndaǵy memlekettik qyzmetshilerdiń 25 paıyzynda osyndaı anyqtalǵan. Keıbir memlekettik mekemelerdiń 40 paıyzǵa jýyq qyzmetkerleri jumystan tys ýaqytynda jumysta otyratynyn kórsetip otyr»,- dedi Ǵalym Tursynbaev.