Memqyzmetke turatyndardyń zańdardy bilý deńgeıi jaqsardy

ASTANA. QazAqparat - Memlekettik qyzmetke turatyndardyń zańdardy bilý deńgeıi jaqsardy. Bul týraly QR Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary Aıgúl Shaıymova málim etti, dep habarlaıdy QazAqparat.

«2016 jyly zańdardy bilý testileýinen 56 myń adam ótti, onyń ishinde ońtaıly baǵany 26 myń adam aldy. Bul óz kezeginde 2015 jyldaǵy sáıkes kórsetkishke qaraǵanda 13 paıyzǵa joǵary. Qyzmetke turý aldyndaǵy áńgimelesý kezeńin 43 myń adamnyń ishinen 20 myńy eńserdi. Konkýrstardyń 78 paıyzynda baıqaýshylar qatysty»,-dedi Shaıymova «Nur Otan» partııasynda ótken memlekettik qyzmetti reformalaý máseleleri jónindegi partııalyq tyńdaýlar barysynda.

Onyń sózine qaraǵanda, quzyrettilik boıynsha testileýden 28 myńnan astam adam ótti. Onyń ishinde 6,5 myńǵa jýyǵy qyzmette jumys isteý úshin jetkiliksiz nátıjelerdi kórsetti.

Sonymen qatar Shaıymova ótken jyldan bastap memlekettik qyzmetke úsh kezeńde irikteýdiń júıesi engizilgenin eske salyp ótti. Osy oraıda zańdardy bilý deńgeıine testileý men jeke quzyrettilikti baǵalaý, sondaı-aq memlekettik organdaǵy áńgimelesý arqyly irikteýden ótý qamtylǵan.