Memqyzmetke talantty mamandar izdestiriledi – Agenttik

NUR-SULTAN. QazAqparat – QR Memlekettik qyzmet isteri agenttigi talantty mamandardy izdeıdi. Bul týraly QR Memlekettik qyzmet isteri agenttiginiń tóraǵasy Anar Jaıylǵanova aıtyp berdi, dep habarlaıdy QazAqparat tilshisi.

«Agenttiktiń aýmaqtyq departamentteri akademııa fılıaldarymen tyǵyz jumysty jalǵastyryp, memlekettik qyzmetshilerdiń áleýetin damytý sharalaryn júrgizýi qajet. Taǵy bir jumys – talanttardy izdestirý jáne olardy memlekettik qyzmetke tartý bolýy kerek», - dedi A. Jaıylǵanova QR Memlekettik qyzmet isteri agenttiginiń Alqa otyrysynda.

Onyń aıtýynsha, talanttardy izdeý sharasy aýyldyq okrýgter, aýdandyq jáne oblystyq deńgeıdegi jergilikti atqarýshy organdardy jáne ortalyq memlekettik organdardyń aýmaqtyq bólimshelerin qamtyp, memlekettik basqarý júıesiniń barlyq deńgeılerinde júzege asýy qajet.

«Tıisti úılestirý jumystary respýblıkalyq deńgeıde júrgizilýi tıis. 2008 jyly Prezıdenttiń Jarlyǵymen qurylǵan Memlekettik saıasattyń ulttyq mektebi (MSUM) qyzmetin qaıta qaraıtyn kez keldi. Joǵary býyn basqarýshylaryn daıarlaý mindetterin iske asyrýdy tolyq qamtamasyz etý qajet. Akademııaǵa bitirýshi túlekterdi saıası laýazymdarǵa ornalasý úshin kadrlyq rezervke qosý múmkindigimen MSUM-dy odan ári damytý boıynsha usynystar engizýdi tapsyramyn», - dep qorytyndylady Anar Jaıylǵanova.