Memqyzmet salasynda «Jańa formatsııa jetekshisi» oqý baǵdarlamasy engiziledi
«Jahandaný dáýirinde árbir memlekettiń aldynda árbir qyzmetkerdi óz ornyna ornalastyryp, ony jigerlendirýdi umytpaı personaldy basqarýdyń tolyqqandy mehanızmin qurý mindeti tur. Elbasynyń tapsyrmasy boıynsha, Qazaqstanda bul quziretterdi ósirý «Jańa formatsııa jetekshisi» oqý baǵdarlamasyna saı júrgiziledi», - dedi QR Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary Aıgúl Shaıymova AEF aıasynda ótken «Jahandyq konferentsııa: Ózgeriske ushyraǵan álemdegi tranformatsııalyq kóshbasshylyq» sessııasy barysynda.
Aıgúl Shaıymova óz sózinde áıgili úndi kóshbasshysy Mahatma Gandıdiń sózin keltirdi.
«Álemdik tájirıbe kórsetip otyrǵandaı, aınalyp kelgende bárin de adamdardyń ózi ózgertýi kerek. Bul týraly Mahatma Gandı de «álemdi ózgertkiń kelse, áýeli óziń ózgerip kór» degen», - deıdi ol.
Jalpy, agenttik tóraǵasy orynbasarynyń pikirine qulaq assaq, kez kelgen qoǵamnyń sátti sıpatta ózgerýiniń úsh bóligi bar.
«Birinshisi - ózgeriske daıyn basshylyq. Bizdiń bárimizde ol qasıet bar. Saıası jiger de jetip jatyr. Ekinshisi - tıimdi jumys júrgizetin ákimshi. Úshinshisi - qoǵamdyq tártip. Biz bul baǵytta turaqty túrde jumys júrgizip jatyrmyz. Ózderińiz kórip otyrǵandaı, el bolashaǵy - árbirimizdiń qolymyzda», - deıdi Aıgúl Shaıymova.
