Memqyzmet isteri agenttiginiń ShQO boıynsha departamentine jańa basshy keldi

ÓSKEMEN. QazAqparat – Memlekettik qyzmet isteri agenttiginiń Shyǵys Qazaqstan oblysy boıynsha departamentiniń jańa basshysy jáne Ádep jónindegi keńes tóraǵasy laýazymyna Nurlan Erkebaev taǵaıyndaldy, dep habarlaıdy QazAqparat tilshisi.

Nurlan Táńirberdiuly 1977 jyly Jambyl oblysy Taraz qalasynda dúnıege kelgen. 2 joǵary bilimi bar.

Eńbek jolyn bilim berý salasynda bastap, 2011 jylǵa deıin ártúrli laýazymdarda qyzmet etti. Atap aıtqanda, Jýaly aýdany ákimi apparatynda bas maman, apparat jetekshisi, aýdan ákiminiń keńesshisi, turǵyn úı kommýnaldyq sharýashylyǵy, jolaýshylar kóligi jáne avtomobıl joldary bóliminiń basshysy, «Nur Otan» partııasynyń Jýaly aýdandyq fılıaly tóraǵasynyń birinshi orynbasary, Jambyl oblysy ákimdigi bilim basqarmasynyń bas mamany laýazymdarynda eńbek etken.

2011-2020 jyldary aralyǵynda Memlekettik qyzmet isteri agenttiginiń Jambyl oblysy boıynsha departamentinde konsýltant, bólim basshysy, basqarma basshysy jáne departament basshysynyń orynbasary qyzmetin atqarǵan.

2020 jyly atalǵan agenttiktiń Strategııalyq jumys jáne halyqaralyq baǵdarlamalar departamentiniń bas konsýltanty boldy.