Memkomıssııa shaǵyn jáne orta bıznesti qoldaýdyń qosymsha sharalaryn qarastyrdy
Memleket basshysy Qasym-Jomart Toqaevtyń bıylǵy jylǵy 1 sáýirdegi keńeste bergen tapsyrmalaryn oryndaý jónindegi sharalar qaraldy. Zardap shekken salalardaǵy shaǵyn jáne orta bıznes sýbektilerin qoldaýdyń qosymsha sharalary týraly Ulttyq ekonomıka mınıstri Áset Erǵalıev, Qarjy mınıstri Erulan Jamaýbaev, QR Qarjy naryǵyn retteý jáne damytý agenttiginiń tóraǵasy Mádına Ábilqasymova, «Atameken» UKP Basqarma tóraǵasy Abylaı Myrzahmetov, Premer-Mınıstrdiń birinshi orynbasary Álıhan Smaıylov baıandady.
2020 jyldan bastap ulttyq ekonomıkadaǵy qalpyna keltirý serpinin qamtamasyz etý maqsatynda kásipkerlik sektordy qoldaýdy, jumyspen qamtýǵa járdemdesýdi, AÓK áleýetin ashýdy, turǵyn úı-kommýnaldyq, kólik, áleýmettik jáne saýda ınfraqurylymyn damytýdy, jedeldetilgen tsıfrlandyrýdy qamtamasyz etýdi kózdeıtin daǵdarysqa qarsy sharalardyń birneshe toptamasy qabyldandy.
Bıyl naýryz aıynda kásipkerlerge júrgizilgen saýalnama nátıjeleri negizinde 4 baǵyt: bızneske júktemeni azaıtý, qarjylandyrýǵa, suranys naryqtaryna jáne sapaly adam resýrstaryna qoljetimdilikti keńeıtý boıynsha 24 sharadan turatyn jańa toptama bekitildi.
Memleket basshysynyń tapsyrmasyn oryndaý úshin iskerlik belsendilikti yntalandyrý boıynsha qosymsha sharalar toptamasy ázirlendi, ol 2021 jylǵy 1 sáýir men 1 shilde aralyǵynda zardap shekken salalardaǵy ShOB sýbektileriniń eńbekaqy tóleý qorynan barlyq salyqtar men tólemderdi tóleýin keıinge qaldyrýdy (118 EQJJ), bank zaımdary men shaǵyn nesıeni tóleýin keıinge qaldyrýdy (346 EQJJ), sondaı-aq salyqtyq jáne kedendik bereshekti májbúrlep óndirip alý sharalaryn toqtata turýdy qamtıdy. Budan basqa, taýarlardyń ilespe qujattary men elektrondyq shot-faktýralaryn rásimdeý boıynsha pılottyq jobany iske asyrýdy 2021 jylǵy 1 shildeden 1 qazanǵa aýystyrý týraly sheshim qabyldandy.
Ekonomıkanyń neǵurlym zardap shekken sektorlaryndaǵy ShOB nesıeleri boıynsha paıyzdyq mólsherlemelerdi sýbsıdııalaý kezeńi (93 EQJJ) 2021 jylǵy 1 shildege deıin uzartylady.
Premer-Mınıstr bıylǵy jyldyń 12 sáýirine deıin Úkimetke bıznesti salyqtyq yntalandyrý boıynsha zańnamalyq túzetýlerdiń tıisti paketin engizýdi tapsyrdy. «Barlyq zańnamalyq bastamalar Parlamenttiń aǵymdaǵy sessııasy jumysynyń sońyna deıin iske asyrylýy tıis», — dedi A. Mamın.
