Memkirister komıteti sheteldikter tegin bergen 16 tonnalyq ottegi syıymdylyǵyn elge kirgizbeı otyr ma
«Mán-jaıdy anyqtaý úshin Memlekettik kirister komıteti «Azot zaýyty» JShS-nyń bas dırektory Álmuhametov Erbolatpen habarlasty. Ol zaýyttyń gýmanıtarlyq kómek retinde aqysyz negizde pandemııa kezeńine aýrýhanalarǵa gaz saqtaıtyn ottegimen qamtamasyz etýge arnalǵan 2 tsısternany (syıymdylyqty) Nıderlandtan eki aptanyń ishinde ýaqytsha ákelýdi josparlap otyrǵandyǵyn túsindirdi. Qazirgi ýaqytta deklaratsııalaý úshin taýar boıynsha málimetter men qujattar joq. Atalǵan máselege baılanysty Batys Qazaqstan oblysy boıynsha Memlekettik kirister departamentine ótinish kelip túspegen«,- dep atap ótedi mınıstrlikten.
Degenmen, vedomstvo málimetinshe, gýmanıtarlyq aqysyz kómek retinde taýarlar ákelingen jaǵdaıda, mundaı júkter keden organyna myna qujattardy usynǵan kezde kedendik bajdardy tóleýden bosatylady: kóliktik (tasymaldaý) ne kommertsııalyq qujattar jáne (nemese) taýardy ákelý maqsaty kórsetilýi tıis dıplomatııalyq nemese olarǵa teńestirilgen ókildikterdiń rastaýy; taýarlardyń aqysyz berilý faktisin rastaıtyn taýarlardy jóneltýshiniń rastaýy; taýardy alýshynyń taýarlardy maqsatty paıdalanýy týraly mindettemesi.
Kedendik tólemderdi tóleýden bosatý úshin «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksiniń 399-baby jáne «Qazaqstan Respýblıkasyndaǵy kedendik retteý týraly» QR Kodeksiniń 80-baby negiz bolyp sanalady.
Atalǵan taýarlardy kommertsııalyq maqsatta keri qaıtarý sharttarymen ákelgen jaǵdaıda, ýaqytsha ákelý kedendik rásimi qoldanylýy múmkin. Kórsetilgen rásim kezinde tıesili kedendik tólemder men salyqtar somasynan 3 paıyz kóleminde tólemder tólenýge jatady ne bolmasa tólemderdi tóleýden bosatý belgilengen taýarlardyń (onyń ishinde medıtsınalyq taýarlar) tizbesine sáıkes bolǵan jaǵdaıda kedendik tólemderdi tóleýden tolyq bosatylady.
