Membaǵdarlamalardyń sheńberinde anyqtalǵan sybaılas jemqorlyq qylmystardyń sany 3 eseden astam artty - qarjy polıtsııasy
ASTANA. 24 qazan. QazAqparat - Memlekettik baǵdarlamalardyń sheńberinde anyqtalǵan sybaılas jemqorlyq qylmystardyń sany 3 eseden astam artty (68-den 255-ke deıin), olardan keltirilgen zalal somasy 5,9 mlrd.teńgeden asty. Bul týraly búgin Ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polıtsııasynyń) tóraǵasy Rashıd Túsipbekovtiń qatysýymen ótken májiliste aıtyldy, dep habarlaıdy vedomstvonyń baspasóz qyzmeti.
Májilis barysynda Agenttik tóraǵasy salaaralyq jáne memlekettik baǵdarlamalardy júzege asyrý barysynda bıýdjet qarajatyn urlaý faktilerin áshkereleý jáne aldyn alýǵa basa nazar aýdarýdy tapsyrdy.
Ol qarjy polıtsııasy organdarynyń qyzmetine shaǵyn jáne orta bıznes ókilderiniń tarapynan senimniń artqandyǵyn atap ótti jáne qol astyndaǵy qyzmetkerlerden odan ári kásipkerlik sýbektilerin baqylaýshy jáne qadaǵalaýshy organdardyń tarapynan zańsyz aralasýdan qorǵaýdy qamtamasyz etýdi talap etti.
Sondaı-aq R.Túsipbekov sybaılas jemqorlyqqa qarsy kúreske turǵyndardyń qatysý belsendiliginiń artqandyǵyn aıtty.
Máselen, Sybaılas jemqorlyqqa qarsy kúreste járdemdesken tulǵalardy kótermeleý erejelerine sáıkes jyl basynan 140-tan astam azamat kótermelendi, olarǵa 13 mln. teńge tólendi.
