Membaǵdarlama aıasyndaǵy baspanany qazirgi baǵada turǵyzý múmkin emes – kásipkerler

PETROPAVL. QazAqparat – Petropavldyń qurylysshylary memlekettik baǵdarlama boıynsha turǵyzylatyn bıýdjettik úılerdiń baǵasyn qaıta qaraýdy suraýda. Olardyń aıtýynsha, búgingi tańda bir sharshy metr úshin 160 myń teńge óte arzan, ıaǵnı bul salamen aınalysý tıimsiz bolǵan, dep habarlaıdy QazAqparat tilshisi.

Jergilikti qurylys kompanııalarynyń biriniń dırektory Sergeı Tımofeevtiń aıtýynsha, qurylys materıaldarynyń qazirgi baǵasymen memlekettik baǵdarlamalar aıasynda bıýdjettik úılerdi salý – qurylysshylarǵa tıimsiz.

Osy salada júrgen kóptegen kompanııalar byltyr baǵanyń kúrt ósýinen zardap shekti.

Ókinishke qaraı, qurylys nysandarynyń keıbiri ǵana qaıta túzetilimnen ótken.

Bul másele Soltústik Qazaqstan oblysy kásipkerler palatasynyń óńirlik keńesinde kóterldi.

«Qazir memlekettik baǵdarlama aıasynda salynatyn bıýdjettik úılerdiń bir sharshy metriniń quny 160 myń teńgeden aspaýy kerek. Qurylys materıaldarynyń baǵasy aspandap ketti. Bul jaǵdaıdan keıin turǵyn úı salýmen aınalysý múldem paıdasyz bolyp qaldy. Ásirese, qurylysy 1,5-2 jylǵa sozylatyn iri nysandardy turǵyzý tıimsiz. Ony salyp bolǵanǵa deıin baǵa myń qubylady, nátıjesinde ol bizdiń barlyq kirisimizdi jep qoıady. Nátıjesinde bıýdjettik úıler salýdyń barlyq máni joǵalady, sondyqtan respýblıkalyq deńgeıde, birinshiden, osyndaı jobalar boıynsha bir sharshy metrdiń quny qaıta qaralýy qajet. Ekinshiden, jergilikti atqarýshy organdar baǵany túzetýge muqııat jáne sapaly qarasa eken degen tilek bar, áıtpese bizdegi qurylys kompanııalary toqtap qalýy múmkin», - deıdi Sergeı Tımofeev.

Sondaı-aq, SQO kásipkerler palatasy óńirlik keńesiniń músheleri jıynǵan qatysqan qala basshysynan olardy Petropavldyń 8 shaǵynaýdany boıynsha egjeı-tegjeıli josparlaýmen aınalysatyn jumys tobyna qosýdy surady.

Ol osy jyldyń tamyz aıyna deıin daıyn bolýy tıis.

Qala ákimi aqpan aıynda osy másele boıynsha barlyq múddeli jáne jaýapty tulǵalardy tarta otyryp, birlesken otyrys ótkizýge ýáde berip, kelisim berdi.