Membaǵdarlama aıasynda salynatyn úılerdiń abbattandyrylýyn tekseretin depýtattyq top qurý qajet - T.Dosmuhambetov

ASTANA. QazAqparat - Memlekettik baǵdarlama aıasynda salynatyn úılerdiń abbattandyrylýyn tekseretin depýtattyq top qurý qajet. Bul týraly búgin «Nur Otan» partııasy fraktsııasy komıssııasynyń bıýdjet qarjysyn tıimdi paıdalaný máselesine arnalǵan otyrysynda QR Parlamenti Májilisiniń depýtaty Temirhan Dosmuhambetov aıtty.

«Búginde óte kóp páter paıdalanýǵa berilýde. Biraq, kóptegen páterler mańy jaıly abattandyrylýdan tys qalǵan. Balalar oınap júrgen jerde tastar jatyr, oıdym-oıdym shuńqyrlar. Munymen eshkim de aınalysyp jatqan joq. Úı paıdalanýǵa berilgen, adamdar turyp jatyr, al abattandyrylýdan maqurym. Infraqurylymdy qoıshy, olar áıteýir jasalady. Al abattandyrylmaýy, balalardyń oıyn alańdarynyń bolmaýy alańdatady. Munymen naqty kim aınalysýy tıis? Múmkin muny depýtattyq top tekserýi qajet shyǵar? Slaıdtan kórip otyrmyz, al is júzinde múldem basqa jaıt oryn alýda», - dedi ol.

Óz kezeginde «Báıterek» ulttyq basqarma holdıngi» AQ basqarmasynyń tóraǵasy Qýandyq Bıshimbaev holdıngi jelisi arqyly salynatyn turǵyn úıler jergilikti ákimdikterdiń qarjysy esebinen abattandyrylatyndyǵyn atap ótti.