Membaǵdarlama aıasynda baspana almaq bolǵan azamat 7 jylǵa sottalyp ketti

NUR-SULTAN. QazAqparat - Memlekettik baǵdarlama aıasynda jaldamaly páterdi para arqyly bermek bolǵan sheneýnik 7 jylǵa sottaldy. Bul týraly QR Sybaılas jemqorlyqqa qarsy is-qımyl agenttigi 1-shi departamenttiń asa mańyzdy ister jónindegi tergeýshisi Qaısar Barjaqsynov aıtty, dep habarlaıdy QazAqparat tilshisi.

«2020 jyldyń 7 shildesinde Óskemen qalasynyń № 2 sotynyń úkimimen «Óskemen qalasynyń jumyspen qamtý ortalyǵy» KMM dırektory A.Bıǵalıeva memlekettik qyzmette ómir boıyna laýazym atqarý quqyǵynan jáne 7 jylǵa bas bostandyǵynan aıyryldy. Ol «Eńbek» memlekettik baǵdarlamasy aıasynda jaldamaly páter berý úshin D.Sydyqovtan 720 myń teńge kóleminde para alǵan», - dedi Qaısar Barjaqsynov.

Sonymen qatar onyń atap ótýinshe, atalǵan úkimmen D.Sydyqov ta para bergeni jáne alaıaqtyǵy úshin 7 jyl 6 aıǵa bas bostandyǵynan aıyryldy.