Memaıyptaýshy Rýdnyıdyń eks-ákimin 8 jylǵa qamaýdy surady
QOSTANAI. QazAqparat - Rýdnyı qalalyq sotynda para alý kezinde ustalǵan Rýdnyı qalasy ákiminiń burynǵy orynbasary Maqsut Dospolovqa qatysty istiń tyńdalymy ótti, dep habarlaıdy QazAqparat tilshisi.
Qalalyq sot eks-ákimge qatysty 2 aıǵa qamaýǵa alý bultartpaý sharasyn sanktsııalaǵan bolatyn.
«Memlekettik aıyptaýshy burynǵy ákim M.Dospolov pen «Órken» JShS merdiger uıymy dırektory Ý.Músirálıevtiń 8 jylǵa qamalýyn surady. Úkim 25 jeltoqsanda shyǵady», - dep habarlady Qostanaı oblystyq sotynyń baspasóz hatshysy Indıra Qusaıynova.
Aıta keteıik, Dospolov «Para alý» baby boıynsha qylmys jasady degen kúdikke ilindi. Ústimizdegi jyldyń 12 mamyr kúni saǵat 19.00-de Qostanaı oblystyq jemqorlyqqa qarsy kúres jónindegi ulttyq bıýro departamenti Rýdnyı qalasy ákiminiń orynbasaryn 15 mln teńge kóleminde para alý kezinde ustady. Parany «Órken» JShS merdiger uıymyna jaqtaýshylyq jasaý maqsatynda alǵany anyqtaldy. Sol kúni M.Dospolov pen Ý.Músirálıev Rýdnyı qalalyq ІІB ýaqytsha qamaý oqshaýlaǵyshyna qamalǵan.
