«Melor» daýylynyń saldarynan mıllıondaǵan fılıppındik azamat elektr jaryǵynsyz qaldy
ASTANA. QazAqparat - Fılıppın eliniń meteobıýrosynyń málimetterinshe, qazirgi kezde «Melor» taıfýny Romblo aralyna jetti. Jeldiń jyldamdyǵy saǵatyna 140 shaqyrymdy qurap otyr, ol keı kezde saǵatyna 170 shaqyrym jyldamdyqpen soǵýda.
Túnde daýyl 5,4 mln. adam turyp jatqan Bıkol túbegin jaıpady. Aımaqta 720 myń adam qaýipsiz jerge shyǵaryldy.
Tabıǵı apat saldarynan Fılıppınniń jeti provıntsııasyndaǵy birneshe mıllıon adam elektr jaryǵynsyz qaldy, dep habarlaıdy Frans Press. Taıfýn saldarynan aǵashtar qulap, elektr tasymaldaý jelileri úzildi.
Taıfýnnan zardap shekken aımaqtardyń mektepterinde sabaqtar, áýe qatynasy, sondaı-aq parom qozǵalysy toqtatyldy.
