«MeloMen» tobynyń múshesi Jiger Aýypbaev toptan ketti
ASTANA. QazAqparat - «MeloMen» tobyndaǵy ánshi Jiger Aýypbaev toptan ketti, dep habarlaıdy «QazAqparat» Baistars.kz saıtyna silteme jasap.
Bul týraly ánshiniń ózi jýrnalıst Ashat Sadyrbaıǵa bergen suhbatynda aıtqan.
«Allaǵa shúkir, osy ýaqytqa deıin aramyzǵa aqsha nemese basqa da nárse túsip kórgen emes. Bul joly osyndaı qıyn jaǵdaı bolyp qaldy. Múmkin bir-birimizden sharshaǵandyqtan da bolar, múmkin bir-birimizdi baǵalamaı da ketken shyǵarmyz, bilmeımin. Jigittermen aramyzda túsinispeýshilik nárse óte kóp boldy, biraq, onyń bári - aramyzdaǵy nárse», - dedi ánshi.
«MeloMenniń» quramy jańara ma, tolyǵa ma, ol jaǵy ázirge belgisiz.
