«Melıssa» daýyly: Domınıkanyń 1,2 mıllıonnan astam turǵyny aýyzsýsyz qaldy

ASTANA. KAZINFORM — «Melıssa» daýylynyń saldarynan Domınıkan Respýblıkasynda 1,2 mıllıonnan astam adam taza aýyzsýǵa qol jetkize almaı otyr, dep jazdy TASS agenttigi Prensa Latina basylymyna silteme jasap.

Málimetterge sáıkes, daýyldyń saldarynan 63 sý júıesi zaqymdanǵan, al 1,27 mıllıonnan astam turǵyn aýyzsýdan ýaqytsha ajyratylǵan.

Respýblıkanyń tótenshe jaǵdaılar ortalyǵynyń dırektory Hýan Manýel Mendes habarlaǵandaı, tabıǵı apattan 260-tan astam úı búlinip, shamamen 1,4 myń adam baspanasyz qalǵan.

Sońǵy birneshe kúnde Domınıkanyń aýmaǵyna jaqyndaǵan daýyl qatty jel men nóser jaýynǵa ulasyp, aǵashtardyń qulatyp ketken. 

Qazirgi tańda tórt provıntsııada joǵary daıyndyq rejımi saqtalyp otyr. Al qalǵan 28 provıntsııada, aýa raıynyń jaqsarýyna baılanysty, 27 qazannan bastap jumys pen oqý protsesi qaıta jandanady.

Kýba meteorologııa ınstıtýtynyń (Insmet) málimetinshe, daýyl sońǵy 12 saǵat ishinde kúsheıip, ıAmaıkanyń ońtústigine qaraı jaqyndap keledi.

ıAmaıka bıligi astana Kıngstondy qosa alǵanda, birneshe aýdannan halyqty evakýatsııalaý týraly sheshim qabyldady.

Kýba prezıdenti Mıgel Dıas-Kanel de araldyń shyǵys aımaǵynan myńdaǵan adamdy evakýatsııalaý bastalǵanyn málimdedi. Bul baǵytqa, sınoptıkterdiń boljamynsha, daýyl jyljı túspek. 

AQSh Ulttyq daýyldardy baqylaý ortalyǵynyń 26 qazandaǵy aqparatyna sáıkes, Atlant muhıtynda qalyptasqan «Melıssa» daýyly Saffır — Sımpson shkalasy boıynsha tórtinshi kategorııaǵa deıin kúsheıgen.

Gaıtı men ıAmaıkanyń keı aımaqtarynda sý tasqyny men kóshkin qaýpi jarııalandy.

«Melıssa» daýylynan ıAmaıkada adam shyǵyny tirkeldi.