Melıoratsııa týraly arnaıy zań qabyldaý qajet
ASTANA. Mamyrdyń 28-i. QazAqparat /Qanat Mámetqazyuly/ - Aýyl sharýashylyǵy salasyndaǵy sýarmaly jerdi tıimdi paıdalaný úshin melıoratsııa týraly zań aýadaı qajet. Búgin QR Parlamenti Senatynda «Saýarmaly egin sharýashylyǵy máseleleri boıynsha zańnamany jetildirý jáne Qazaqstanda sýarmaly jerlerdi tıimdi paıdalanýdyń joldary»
atty taqyrypta ótken jıynda senator Qýanysh Aıtahanov osyndaı usynys jasady, dep habarlaıdy QazAqparat.
«Búgingi tańda respýblıkada sýarmaly jerlerdi paıdalanýdyń tıimdiligi týraly naqty derekter joqtyń qasy. Sondyqtan da, respýblıkalyq aqparat agenttiginiń statıstıkalyq málimetterinde sýarmaly jerlerdiń jaǵdaıyn oblystar boıynsha kórsetetin aqparattar qamtylýy tıis. Budan bólek, burynnan aıtylyp júrgen «Melıoratsııa týraly» zańnyń asa qajettigin taǵy da basa aıtqym keledi», dedi Q. Aıtahanov.
Senatordyń aıtýynsha, atalǵan zańda jerdi melıoratsııalaý boıynsha memlekettik organdar men jer paıdalanýshylardyń jaýapkershiligi, sý sharýashylyǵyna qatysty memlekettik retteý sharalary qarastylýy tıis. Budan basqa, zańda melıoratsııa jumystaryn júrgizetin kadrlardy daıyndaý men qaıta daıyndaý máseleleri de qamtylǵan oryndy.
