Melanııa Tramp kúıeýiniń Garvardpen arazdyǵy týraly aqparatty jalǵan dep atady

ASTANA. KAZINFORM — Melanııa Tramptyń baspasóz hatshysy onyń prezıdent kúıeýi uly Berrondy oqýǵa qabyldamaǵany úshin Garvard ýnıversıtetimen soǵysyp jatyr degen «jalǵan» teorııany joqqa shyǵardy, dep habarlaıdy FOX News arnasy.

Palm Beach Post birinshi hanymnyń baspasóz hatshysy Nıkolas Klemenstiń «Barron Garvardqa ótinish bergen joq jáne ol nemese onyń atynan ótinish bergen kez kelgen málimdeme múldem jalǵan» degen sózin jarııalady.

Bul oqıǵa ınternette taraǵan prezıdent Donald Tramp Garvard ýnıversıtetine federaldyq qarjylandyrýdy qysqartýdy josparlap jatqany týraly sybystarǵa baılanysty boldy. Sebebi, Nıý-Iork ýnıversıtetiniń birinshi kýrsyn bitirgen uly Berronnyń Garvardqa qabyldanbaǵany boljanǵan.

Tramp ákimshiligi búkil federaldyq agenttikke Garvard ýnıversıtetimen barlyq federaldyq kelisimshartty toqtatýdyń joldaryn qarastyrýdy surap otyr. Bul sheshim sheteldik stýdentterdiń qabyldanýy máselesi boıynsha jalǵasyp jatqan kelispeýshilikterge baılanysty qabyldanǵan.

Garvard ýnıversıteti buǵan deıin federaldyq sotqa shaǵym túsirip, ákimshiliktiń ótken aıdan beri toqtatqan shamamen 3,2 mıllıard dollar kólemindegi federaldyq granttyq qarjylandyrýdy qalpyna keltirýdi talap etti.

Aıta keteıik, osydan buryn Garvard Tramp ákimshiliginiń halyqaralyq stýdentterdi qabyldaýǵa tyıym salý sheshimine qarsy shyqqany habarlanǵan. Ivy League ýnıversıtetinde oqyp jatqan sheteldik stýdentterge, onyń ishinde qazaqstandyq stýdentterge qatysty jaǵdaı da ázirge ekiushty.