Melanııa Tramp Epshteınmen baılanysy týraly málimdeme jasady

ASTANA. KAZINFORM – AQSh-tyń birinshi hanymy Melanııa Tramp Djeffrı Epshteınmen qandaı da bir baılanysy bolǵanyn joqqa shyǵardy, dep habarlaıdy Anadolu.

«Meni masqara aty shyqqan Djeffrı Epshteınmen baılanystyratyn jalǵan aqparat búgin toqtatylýy tıis», – dedi ol Aq úıde.

Melanııa Tramptyń aıtýynsha, ózi jáne jubaıy, AQSh prezıdenti Donald Tramp keıde Epshteın qatysqan qoǵamdyq is-sharalarǵa barǵan. Alaıda bul Nıý-Iork pen Florıdadaǵy Palm-Bıch elıtalyq ortasyna tán qalypty jaǵdaı bolǵan.

«Naqty aıtamyn, mende eshqashan Djeffrı Epshteınmen de, onyń sybaılasy Gısleın Maksvellmen de eshqandaı qarym-qatynas bolǵan emes», – dep málimdedi ol.

Aıta keteıik, AQSh Ádilet mınıstrligi Epshteın isine qatysty qujattardy saıtynan alyp tastady.