«Melnıtsa» meıramhanasyndaǵy órt eki saǵattan keıin sóndirildi
NUR-SULTAN. QazAqparat – Astananyń sol jaǵalaýyndaǵy «Melnıtsa» meıramhanasyndaǵy órt eki saǵattan keıin sóndirildi, dep habarlaıdy QazAqparat.
QR ІІM Tótenshe jaǵdaılar komıettiniń habarlaýynsha, «Melnıtsa» meıramhanasyna japsarlas salynǵan ǵımarattyń shatyry órtengen.
«6 tamyz kúni saǵat 15:09-da «101» pýltine Turan dańǵylyndaǵy 31-ǵımaratta ornalasqan «Melnıtsa» meıramhanasy órtengeni týraly habar kelip tústi. Qoldanylǵan sharalar arqyly órt saǵat 17:18-de óshirildi. Shamamen 200 sharshy metr aýmaqty ot sharpyǵan. Meıramhana kelýshileri ózdiginen evakýatsııalanǵan», - dep habarlady QR ІІM TJ komıettiniń resmı ókili Nursultan Nurahmetov.
Oqıǵa saldarynan TJ komımetiniń Apattar medıtsınasy ortalyǵyna 2 adam kómekke júgingen. Olardyń qoly men aıaǵyn azdap kúıik shalǵan. Olar dáriger qaraýynan keıin úıge qaıtarylǵan.
Órtti sóndirýge 41 adam men 9 órt sóndirý tehnıkasy jáne QR ІІM Apattar medıtsınasy ortalyǵynyń brıgadasy atsalysty.
