Mel Gıbsonnyń otbasynda «alpysbaı» dúnıege keldi
ASTANA. QazAqparat - Tanymal amerıkalyq akter jáne rejısser Mel Gıbson men onyń 26 jastaǵy súıiktisi Rozalınd Ross sábıli boldy. 61 jastaǵy Gıbsonnyń bul toǵyzynshy balasy, dep jazady People jýrnaly.
Basylymnyń habarlaýynsha, sábı ótken aptanyń juma kúni Los Andjeleste dúnıege kelgen. Oǵan Lars Djerard Gıbson dep at qoıyldy.
«Olar qýanyshtan tolqyp júr, Lars sondaı súıkimdi. Olar qazir týystarynyń ortasynda, al Mel baqyttan basy aınalyp júr. Qazir úılerinde, barlyǵynyń densaýlyǵy jaqsy jáne qýanyshty», - dep habarlady aqparatpen bólisken juldyzdy otbasynyń tanysy.
