Melbýrndyq júrgizýshi bir top adamdy qaǵyp óte shyqty
ASTANA. QazAqparat - Aýstralııanyń Melbýrn qalasyndaǵy (Vıktorııa shtaty) oqıǵadan zardap shekkenderdiń sany 15 adamǵa jetti. Beısenbi kúni bir top jaıaý adamdardy avtomobıl qaǵyp ketti,dep habarlaıdy TASS .
Bul týraly shtattyń jedel járdem qyzmetiniń Twitter paraqshasynda jarııalanǵan.
«Jedel járdem dárigerleri, aýrýhanaǵa 13 adamdy jetkizdi»,-delingen habarlamada. Sonymen birge dárigerler taǵy eki adamnyń jaǵdaıy týraly aıtady.
Al Associated Press agenttigi jergilikti polııatsııa málimetterine súıene otyryp, oqıǵa saldarynan zardap shekkenderdiń sany 19 ǵa jetkendigin jazdy.
Sky News telearnasy olardyń arasynda mektep jasyna da tolmaǵan bala bar ekendigin habarlady. Kýágerlerdiń aıtýynsha, aq tústi jol talǵamaıtyn kólik baǵdarshamnyń qyzyl túsine toqtamastan, jol aıyryǵyndaǵy birneshe adamdy qaǵyp óte shyqqan.
Vıktorııa shtatynyń polıtseıleri júrgizýshi ustaǵan. Tártip saqshylary kýágerlerden oqıǵany foto nemese vıdeoǵa túsirgender bolsa jiberýlerin surap otyr.
