Mekteptiń 120 oqýshysy ýlanyp, aýrýhanaǵa tústi
ASTANA. 25 mamyr. QazAqparat - Aýǵanstannyń soltústigindegi Tahar ýálaıatynda 120 mektep oqýshysy men úsh muǵalim ýlanyp, aýrýhanaǵa tústi. Ýlanǵandardyń kópshiligi es-túsinen aıyrylǵan.
Jergilikti bılik mektepke beımálim ýly zat shashyp jiberdi dep, kináni ıslamshyl radıkaldardan kórip otyr, dep jazady Azattyq .
Bir aı buryn osy ýálaıatta 150 oqýshy aýyz sýdan ýlanǵan bolatyn. Al ótken aptada Host ýálaıatynda 200 bala belgisiz aýrýmen aýyrdy. Aýǵanstan arnaıy qyzmetiniń ókiliniń aıtýyna qaraǵanda, mundaı áreketterdi Talıban uıymy 2014 jyly koalıtsııa kúshteriniń elden shyǵarylatyny qarsańynda ata-analardy balalaryn mektepke bermeýge májbúrleý úshin jasap otyr.
Aýǵanstan bilim mınıstriniń aqparaty boıynsha, elde qaýipsizdik maqsatynda 11 ýálaıatta 550-ge jýyq mektep jabylǵan. Ol mektepterde 300 myńǵa tarta bala oqıtyn.
