Mektepterdegi býllıngti erte anyqtaý tásilderi bekitildi - Sadenov
ASTANA. KAZINFORM – Oqý oryndarynda zańsyz áreketterdi erte anyqtaý tásilderi bekitildi. Bul týraly Úkimet otyrysynda Іshki ister mınıstri Erjan Sadenov málim etti.
- Jańa profılaktıka týraly zań aıasynda bilim berý uıymdarynda balalardyń quqyqtaryn qorǵaýdyń qosymsha tetikteri kózdelgen. Vedomstvoaralyq ózara is-qımyl algorıtmderi, onyń ishinde býllıngti jáne basqa da zańsyz áreketterdi erte anyqtaý tásilderi bekitildi. Osy jumystyń tıimdiligin arttyrý úshin mektepterde tálimgerlerdi engizý usynylady. Onyń tıimdiligi Jetisý oblysynda jáne sheteldik tájirıbemen de dáleldendi. Qazir Jetisý oblysynyń 110 mektebinde pılottyq joba iske asyp jatyr. Tálimgerler tıisti toptarmen naqty jumys, qıyn jaǵdaıdaǵy balalarmen áleýmettik ońaltý sharalaryn júzege asyryp jatyr. Nátıjesinde, osy mektepterde oqýshylar arasynda quqyq buzý áreketterine jol berilmedi, - dedi E. Sadenov.
Osy oraıda vedomstvo basshysy Oqý-aǵartý mınıstri men ákimdikter osy modeldi barlyq oblystarda engizýdi tezdetýi qajet ekenin aıtty.
Buǵan deıin habarlanǵandaı, bıyl 1-synypqa 380 myńnan astam bala qabyldanady.
