Mektepteri joq aýyldyq jerlerde turatyn balalardyń 28,4 paıyzy mektepke jetkizilýmen qamtamasyz etilmegen - J. Túımebaev
ASTANA. Aqpannyń 3-i. QazAqparat /Ernur Aqanbaı/ - Elimizde mektepteri joq aýyldyq jerlerde turatyn balalardyń 28,4 paıyzy mektepke jetkizilýmen qamtamasyz etilmegen. Bul týraly Bilim jáne ǵylym mınıstrliginiń búgingi keńeıtilgen alqa májilisinde vedomstvo basshysy Janseıit Túımebaev aıtty,
dep habarlaıdy QazAqparat.
«Balalar quqyqtaryn qorǵaý, jalpyǵa japaı bilim berý, tamaqtaný, balalardy mektepke jetkizý máselesi boıynsha 194 bilim berý uıymy tekserildi. Qazirgi ýaqytta mektepke barmaýy anyqtalǵan balalardyń 53 paıyzy sebepsiz barmaı otyr. Mektepteri joq aýyldyq jerlerde turatyn balalardyń 28,4 paıyzy mektepke jetkizilýmen qamtamasyz etilmegen», dedi alqada J. Túımebaev.
Osy oraıda mınıstr Balalar quqyqtaryn qorǵaý komıtetine jergilikti jerlerdiń bilim basqarmalarymen birlese otyryp, sebepsiz mektepke barmaı júrgen balalardy oqýmen qamtýdy, sondaı-aq mektepteri joq aýyldy jerlerde turatyn balalardy mektepke jetkizýdi qamtamasyz etý boıynsha jumysty jalǵastyrýdy tapsyrdy.
