Mektepterdiń «malqoraǵa» aınalyp ketken kezderi de boldy - Kósherbaev
ASTANA. QazAqparat - Qyzylorda oblysynyń ákimi Qyrymbek Kósherbaev aımaqtaǵy bilim berý sapasyn úzdik bestikke iliktirýdiń tájirıbesi jaıynda aıtyp berdi, dep habarlaıdy QazAqparat tilshisi.
«Árıne, ákimder arasynda da báseke bar. Ol úshin tıisti kórsetkishter belgilengen. Barlyq kórsetkishterdiń ishinde men úshin bastysy - bilim berý sapasy. Dál qazir men osy kórsetkishpen ashyq maqtana alamyn. Alaıda oǵan jetý ońaı bolǵan joq. Bireýdiń esinde bolar, 2013 jyly biz 27 birdeı mektep dırektoryn jumystan shyǵaryp jiberdik. Sol kezde oblys ákiminiń jumysyn synǵa alyp, jerden alyp, jerge salǵandar kóp boldy. Aryz-shaǵymdardy qarsha boratty. Degenmen, odan basqa amal bolǵan joq. Sebebi keıbir basshylar ol mektepterdi kádimgideı «mal qoraǵa» aınaldyryp jiberdi. Aqsha jınaý jáne taǵy basqa jemqorlyq áreketteriniń taralýyn toqtatý qajet edi. Sol kezde jaqsy bir silkinis kerek boldy. Sodan biz jańaǵydaı sheshim qabyldadyq», - deıdi Kósherbaev.
Aımaq basshysynyńaıtýynsha, buryn oblystyń mektep túlekteri ulttyq biryńǵaı testileýdiń nátıjesi boıynsha 16-orynnan joǵary kóterilmeıtin. Búginde úzdik bestikten túspeı júr. Ótken jyly Qyzylorda oblysy túlekteriniń 90 paıyzy joǵary oqý oryndary men kolledjderge oqýǵa tústi. Oblys jastary «Serpin» baǵdarlamasyna da belsendi atsalysypkeledi. Budan bólek, jyl saıyn qyzylordalyq mektep túlekteri Máskeý men Sankt-Peterbýrgtyń úzdik tehnıkalyq joǵary oqý oryndaryna jiberiledi.
Aıta keteıik , búgin Qazmedıa ortalyǵynda ótken beıresmı kezdesý kezinde Qyzylorda oblysynyń ákimi QyrymbekKósherbaev kúrishti eksportqa shyǵarý boıynsha aldaǵy josparlarymen bólisti. Sondaı-aq ol mıllıardtaǵan aqshasy urlanǵan shyny zaýytyn iske qosý merzimin atap,.memlekettik baǵdarlamalardyń tıimdiligin tekserý kerektigin jetkizdi.
